кері соғу

(Отдача)

ату кезіндегі оқ-дәрі газы қысым күшінің оқатар қару (тапанша, мылтық, автомат, пулемет, артиллериялық зеңбіректер) ұңғысының арнасы түбіне әсер етуі. К.с. қару түрлеріне байланысты ату бағытына қарама-қарсы, бүкіл қарудың немесе оның бөлшектерінің (ұңғы, бекітпе) қозғалысы, қарудың секіруі, қарудың станок немесе лафетіндегі едәуір кернеуі, атқыштың иығына немесе қолына соғуы түрінде болады. К.с. салдарын (зеңбіректің артқа шегінуі, есеп айырудың әлсізденуі, көздеуді жаңылдыруы, атыстың жылдамдығы мен шоғырлануын төмендету) түрлі құралдар арқылы (кері тебуге қарсы құрылымдар, ұңғылы тежеуіштер, амортизаторлар) азайтуға ұмтылады. К.с. кері тебетін зеңбіректе бекітпедегі саңылау арқылы газдың біразын бұру есебімен жасалған реактивтік күшпен теңдеседі, оның нәтижесінде зеңбіректің артқа шегінуі болмайды. К.с. автоматты қаруда қайта оқтау (бекітпені ашу, атылған гильзаны лақтыру), кезекті патронмен оқтау, бекітпені жабу, соққышты енгізу үшін қолданылады. Ол атыс арқылы біршама ұлғаяды.